RESAQUES METÁLICOS MONTESSORI

 Esta semana coñecimos un dos stands de resaques metálicos Montessori. Este material sirve fundamentalmente para preparar a mán para a escritura. 

Pasou a formar parte da nosa nova mesa-recuncho de letras, na que xa contamos coas letras de lixa e uns bonecos de neve coas iniciais dos nosos nomes e as nosas fotos. 

O primeiriño que se lles ocurriu foi sacar e meter as pezas no lugar correspondente como calquer outro puzzle encaixable.

E despois pasamos a presentar a tabla para traballar cos resaques. A nosa conta con dous compartimentos.

Posteriormente a escoller a forma que máis lles guste e reseguir o seu trazo propúxenlles que aproveitaran esa figura para punzala, facendo así un traballo de psicomotricidade fina máis completo. 

A partir de agora contamos cunha bandexiña nova de traballo para punzar as nosas figuras ou outros trazos que propón a profe.

O material gustoulles moito aínda que todavía hay que avisar a algún despistado que escribe directamente na base, sen folio. Por sorte, como teñen a disposición lápices non hai erro que se resista á goma de borrar.😀

PUZZLES: ORGANIZACIÓN ESPACIAL

Despois de ter a súa man os puzzles de dúas pezas de animais da granxa que aínda que parezan moi fáciles tiveron as súas dificultades demos paso a outro de anda máis e nada menos que 50 pezas (grandes) que nos regalou unha mamá do cole. 

Para facer este puzzle precisaron da miña axuda pero estamos moi entusiasmados e iso é o mellorciño para aprender. O éxito o conseguir facelo é moi importante, así como este traballo en grupo, axuda, atención, concentración, fixarse nos detalles...

TAmén contamos con outro un pouco máis sinxelo  de 9 pezas para ir practicando que conta co debuxo debaixo como referencia. (desapareceunos unha peza, algún a levou na mochila?😀)

E aproveitando o interese merquei puzzles secuenciais de 6/9/12/16 pezas para ir gradualmente mellorando e dándose conta desta melloría. Aquí danse varias diferencias, dende o que xa os fai todos case sen esforzo ata os que todavía proban ensaio-error sen lóxica ningunha 😁

Xa teño outros esperando saír á luz...😂
 

O NOME...

E seguimos traballando co noso nome. Esta vez tocounos dividilo en pedaciños...as letras... e  intentar volver a construilo tomando como modelo, se o precisamos, a tarxeta da nosa mesa...Non nos saiu perfecto pero seguiremos practicando...

Despois pintamos cada letra dunha cor...das tres cores básicas: vermello, azul e amarelo

E preparamos unha base para pegalo empregando as mesmas cores de témperas e bastoncillos para facer puntiños...aínda que aquí a creatividade deu renda solta a toda clase de puntos, raias...

Antes de poñernos a faena foi necesario poñernos o mandilón e abrochalos botóns. Algúns xa se esmeran moito e fano soliños, polo menos inténtano...outros buscan a miña axuda, de Sol, a coidadora ou dos encargados do día de "axudar a vestirse" 😀  E despois de tanta arte e de lavar as mans, toca sacar o mandilón e doblalo para podelo meter na mochila. Este traballo que podese interpretar como arduo é unha actividade excelente de Vida práctica e psicomotricidade fina. É fundamental que nenos e nenas aprendan todas aquelas tarefas relacionadas coa súa limpeza, hixiene, vestimenta, coidado e gardado das súas cousas, orden....

Unha vez seco, tocou montar outra vez as letras do nome...pero supoño que a parte creativa deixouse ver de novo...Non sempre é necesario que todo  esté perfecto😁

Esta semana tamén andivemos enredados ca neve. Aquí non chegou FILOMENA pero non nos faltou unha boa guerra de bolas de neve. Comezamos observando nun papel blanco o noso nome e fixemos unha bola apretando ben o folio, e listos para lanzar bolas de neve...a un aviso sentavámonos e mirábamos se tiñamos o noso nome ou outro...así imos fixándonos nos nomes do resto de compañeir@s. Algún non quería perder a súa bola e houbo algún que outro enfado pero en xeral resultou bastante divertido. Despois dun rato de "guerra" rematamos co lanzamento dentro da papeleira

e noutros momentos tamén traballamos cas letras soltas para formar o noso nome...démonos conta de que entre todos temos moitas AAAA, todos os nomes a conteñen excepto Xoel e non nos chegaban para todos😀

Unha vez contruído tocou repasalo co rotulador e tratar de facelo sos.